Home / ਤਾਜਾ ਜਾਣਕਾਰੀ / ਕਾਫੀ ਮਹਿੰਗੀ ਹੋਵੇਗੀ ਅਮਰੀਕਾ ਦੀ ਕੋਰੋਨਾ ਵੈਕਸੀਨ – ਦੇਣੀ ਪਵੇਗੀ ਇੰਨੀ ਕੀਮਤ

ਕਾਫੀ ਮਹਿੰਗੀ ਹੋਵੇਗੀ ਅਮਰੀਕਾ ਦੀ ਕੋਰੋਨਾ ਵੈਕਸੀਨ – ਦੇਣੀ ਪਵੇਗੀ ਇੰਨੀ ਕੀਮਤ

ਦੇਣੀ ਪਵੇਗੀ ਇੰਨੀ ਕੀਮਤ

ਚਾਈਨੀਜ਼ ਵਾਇਰਸ ਕੋਰੋਨਾ ਨੇ ਸਾਰੀ ਦੁਨੀਆਂ ਵਿਚ ਹਾਹਾਕਾਰ ਮਚਾ ਕੇ ਰੱਖ ਦਿੱਤੀ ਹੈ ਰੋਜਾਨਾ ਹੀ ਇਸ ਦੀ ਚਪੇਟ ਵਿਚ ਲੱਖਾਂ ਦੀ ਗਿਣਤੀ ਵਿਚ ਲੋਕ ਆ ਰਹੇ ਹਨ ਅਤੇ ਹਜਾਰਾਂ ਲੋਕ ਇਸ ਦੀ ਵਜ੍ਹਾ ਨਾਲ ਹਰ ਰੋਜ ਮਰ ਰਹੇ ਹਨ। ਇੰਡੀਆ ਵਿਚ ਵੀ ਇਸ ਨੇ ਆਪਣੇ ਪੈਰ ਪੂਰੀ ਤਰਾਂ ਨਾਲ ਪਸਾਰ ਲਏ ਹਨ। ਕੀ ਵੱਡਾ ਅਤੇ ਕੀ ਛੋਟਾ ਹਰ ਕੋਈ ਇਸ ਦੀ ਲਪੇਟ ਵਿਚ ਆ ਰਿਹਾ ਹੈ।

ਅਮਰੀਕਾ ਵਿੱਚ ਤਿਆਰ ਕੀਤੀ ਗਈ ਕੋਰੋਨਾ ਵਾਇਰਸ ਦੀ ਵੈਕਸੀਨ ਬਹੁਤ ਮਹਿੰਗੀ ਮਿਲ ਸਕਦੀ ਹੈ। ਇੱਕ ਰਿਪੋਰਟ ਅਨੁਸਾਰ ਅਮਰੀਕੀ ਕੰਪਨੀ ਮੌਡਰਨਾ ਆਪਣੀ ਵੈਕਸੀਨ ਦੇ ਇੱਕ ਕੋਰਸ ਲਈ 3700 ਤੋਂ 4500 ਰੁਪਏ ਤੱਕ ਵਸੂਲਣ ਦੀ ਯੋਜਨਾ ਬਣਾ ਰਹੀ ਹੈ। ਮੌਡਰਨਾ ਵੈਕਸੀਨ ਦੀ ਪ੍ਰਸ੍ਤਾਵਿਤ ਕੀਮਤ Pfizer ਤੇ BioNTech ਦੀ ਕੋਰੋਨਾ ਵੈਕਸੀਨ ਦੇ ਮੁਕਾਬਲੇ ਤਕਰੀਬਨ 800 ਰੁਪਏ ਜ਼ਿਆਦਾ ਹੈ। ਰਿਪੋਰਟ ਅਨੁਸਾਰ ਮੌਡਰਨਾ ਕੰਪਨੀ ਆਪਣੇ ਵੈਕਸੀਨ ਦੀਆਂ ਦੋ ਖੁਰਾਕਾਂ ਲਈ 3700 ਤੋਂ 4500 ਰੁਪਏ ਵਸੂਲ ਸਕਦੀ ਹੈ।

ਦੱਸ ਦੇਈਏ ਕਿ ਅਮਰੀਕਾ ਨੇ Pfizer ਅਤੇ ਜਰਮਨ ਸਾਥੀ Pfizer ਦੀ ਵੈਕਸੀਨ ਲਈ ਲਗਭਗ 15 ਹਜ਼ਾਰ ਕਰੋੜ ਦਾ ਸੌਦਾ ਕੀਤਾ ਹੈ । ਇਸ ਦੇ ਤਹਿਤ 5 ਕਰੋੜ ਲੋਕਾਂ ਨੂੰ ਵੈਕਸੀਨ ਦੇਣ ਦੀ ਯੋਜਨਾ ਹੈ। ਹਾਲਾਂਕਿ, ਲੋਕਾਂ ਨੂੰ ਇਹ ਵੈਕਸੀਨ ਕੇਵਲ ਉਦੋਂ ਮਿਲੇਗੀ ਜਦੋਂ ਵੈਕਸੀਨ ਆਖਰੀ ਪੜਾਅ ਦੇ ਟ੍ਰਾਇਲ ਵਿੱਚ ਪ੍ਰਭਾਵਸ਼ਾਲੀ ਅਤੇ ਸੁਰੱਖਿਅਤ ਸਾਬਿਤ ਹੋ ਜਾਵੇ।

ਰਿਪੋਰਟ ਅਨੁਸਾਰ ਮੌਡਰਨਾ ਅਮਰੀਕਾ ਅਤੇ ਹੋਰ ਉੱਚ ਆਮਦਨੀ ਵਾਲੇ ਦੇਸ਼ਾਂ ਤੋਂ ਵੈਕਸੀਨ ਲਈ 3700 ਤੋਂ 4500 ਰੁਪਏ ਕੀਮਤ ਵਸੂਲਣ ‘ਤੇ ਵਿਚਾਰ ਕਰ ਰਹੀ ਹੈ। ਇੱਕ ਕੰਪਨੀ ਦੇ ਬੁਲਾਰੇ ਨੇ ਕਿਹਾ ਕਿ ਵੈਕਸੀਨ ਦੀ ਸਪਲਾਈ ਲਈ ਅਮਰੀਕੀ ਸਰਕਾਰ ਨਾਲ ਵਿਚਾਰ ਵਟਾਂਦਰੇ ਚੱਲ ਰਹੇ ਹਨ। ਹਾਲਾਂਕਿ, ਬੁਲਾਰੇ ਨੇ ਗੁਪਤਤਾ ਦਾ ਹਵਾਲਾ ਦਿੰਦੇ ਹੋਏ ਕੀਮਤ ਦੀ ਪੁਸ਼ਟੀ ਨਹੀਂ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਮੌਡਰਨਾ ਦੇ ਕੋਰੋਨਾ ਵਾਇਰਸ ਵੈਕਸੀਨ ਦੀ ਕੀਮਤ ਅਜੇ ਤੈਅ ਨਹੀਂ ਕੀਤੀ ਗਈ ਹੈ। Pfizer, Moderna ਅਤੇ Merck & Co ਕੰਪਨੀਆਂ ਨੇ ਕਿਹਾ ਹੈ ਕਿ ਉਹ ਲਾਭ ਦੇ ਨਾਲ ਵੈਕਸੀਨ ਵੀ ਵੇਚਣਗੀਆਂ। ਇਸ ਦੇ ਨਾਲ ਹੀ ਜੌਨਸਨ ਐਂਡ ਜੌਨਸਨ ਨੇ ਟੀਕੇ ਨੂੰ ਨਾ-ਮੁਨਾਫ਼ੇ ਤਹਿਤ ਵੇਚਣ ਦੀ ਗੱਲ ਕਹੀ ਹੈ।

ਉੱਥੇ ਹੀ ਦੂਜੇ ਪਾਸੇ ਬ੍ਰਿਟਿਸ਼ ਸਵੀਡਿਸ਼ ਕੰਪਨੀ ਐਸਟ੍ਰਾਜ਼ੈਂਕਾ ਨੇ ਅਮਰੀਕਾ ਨੂੰ ਤਕਰੀਬਨ 9 ਹਜ਼ਾਰ ਕਰੋੜ ਵਿੱਚ 30 ਕਰੋੜ ਵੈਕਸੀਨ ਸਪਲਾਈ ਕਰਨ ਦੇ ਸਮਝੌਤੇ ‘ਤੇ ਦਸਤਖਤ ਕੀਤੇ ਹਨ। ਇਸ ਦੇ ਅਨੁਸਾਰ ਅਮਰੀਕਾ ਨੂੰ ਐਸਟ੍ਰਾਜ਼ੈਂਕਾ ਟੀਕੇ ਦੀ ਸਿਰਫ 300 ਰੁਪਏ ਦੀ ਅਦਾਇਗੀ ਕਰਨੀ ਪਵੇਗੀ ।ਅਮਰੀਕਾ ਨੇ ਵੈਕਸੀਨ ਤਿਆਰ ਕਰਨ ਲਈ ਆਪ੍ਰੇਸ਼ਨ ਵਾਰਪ ਸਪੀਡ ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ । ਇਸ ਦੇ ਤਹਿਤ ਸਰਕਾਰ ਨੇ ਵੈਕਸੀਨ ਤਿਆਰ ਕਰਨ ਲਈ ਮੌਡਰਨਾ ਕੰਪਨੀ ਨੂੰ 7476 ਕਰੋੜ ਰੁਪਏ ਦਾ ਫੰਡ ਵੀ ਦਿੱਤਾ ਹੈ।

error: Content is protected !!